Home 愛車保養 無水洗車 (Waterless Wash) 大剖析Part 1:原理、好處、會唔會整花部車?

無水洗車 (Waterless Wash) 大剖析Part 1:原理、好處、會唔會整花部車?

by Charles Wong

無水洗車(Waterless Wash,或譯免水洗車)是最近5年才開始發展流行的新洗車方法,最主要喺解決城市人沒水源、沒得開喉沖水的市區環境限制,喺咪好適合香港呢!香港的網上討論的意見分成兩派,傳統派認為無水洗車=磨砂抹車,唔乾淨仲要刮花車漆;而另一派就覺得只要工具正確、方法正確,無水洗車喺有百利而無一害。到底實際上無水洗車是怎麼一回事?有什麼好處和限制?正確的方法應該如何?Rinseless Wash (免沖水洗車)又是什麼呢?本文快速解決以上幾個問題,希望幫到各位香港車主解決“冇水洗車”的煩惱。

無水洗車的原理剖析

小U中文修養淺薄、茍認為“無水洗車”“免水洗車”呢個譯名唔夠準確傳神,Waterless Wash 翻譯成“無水抹車”更貼切,只是“抹車”給人一種低端Cheap的感覺,所以先“高大上”地譯成“免水洗車”。就算你未試過,只要你睇過任何一條無水洗車的YouTube片,都會同意:

撇開抹車兩字的低端感,無水洗車確實只是抹車

但今天的無水洗車法確實有科技含量,唔喺cheap cheap的阿姐抹車咁簡單。無水洗車的發展大約如下:

  1. 用水+爛布抹車 (阿姐抹車)
  2. 用Quick Detailer + 超細纖維布抹車
  3. 用無水洗車液 + 超細纖維布抹車

可見無水洗車的科技發展有兩大重點:洗車液以及抹車布,此兩樣工具用品的發展大大減少無水洗車工序上刮花車身的風險。下面詳細分析。

 

無水洗車會刮花車嗎?

無論有水定無水,點解有人洗車會越洗越花?因為方法或工具唔正確。當洗車抹過的時候,抹布很可能拖著顆粒在清漆上滑行,就有可能刮出花痕(詳見之前的文章“如何洗車不傷車”)。無水洗車必須要依賴超細纖維布的“3D空間”吸附能力,減少刮痕的機會:

而由於無水洗車工序喺沒水供洗布,所以要準備多條超細纖維布,絕對唔好黑曬的布仲繼續抹。

另一方面現時的無水洗車液的潤滑性和對污物的溶解性都大大提高。以下錄影喺用Ultima Waterless Wash Plus 無水洗車液影到的溶解灰塵并懸浮包裹灰塵在洗車液中的影片片段:

無水洗車液將車身的污跡帶上黎,再靠超細纖維布的“3D空間”吸附能力清除污跡,這就是無水洗車法的基本理論原理。可見無水洗車的用品和工具都至關重要、關乎到是否會刮花部車!詳細的工具和洗車液介紹、施作工序方法留在無水洗車 (Waterless Wash) 大剖析Part2

 

無水洗車法的好處以及限制

Waterless Wash的好處:

  • 無需水源!無需開喉!任何停車場都可以
  • 唔會淋到周圍濕曬、泡泡周圍都喺
  • 工序少慳時間、一噴一抹搞掂
  • 冬天洗車舒服好多!唔會凍僵隻手
  • 據廠家說法無水洗車法保護環境水資源

Waterless Wash的限制:

到此小U要提醒各位不能用無水洗車法抹車的情況!網上好多反對無水洗車的聲音多是在以下不合適的情形下用無水洗車法抹車、搞到車身花面貓:

長期唔洗車的污遭貓:

無論無水科技點進化,無水抹車始終有個極限,太污遭骯髒泥塵滿面的車用無水抹車法等於磨砂自殺。根據小U的經驗,每日出車的情況下,雨季超過兩個星期唔洗車,旱季超過一個月唔洗車,就唔好冒險用無水洗車法。無水洗車法應該至少每個星期都做一次,“小吃多餐”。

曬到火辣辣的露天環境:

高溫會嚴重影響無水洗車液的活性,亦容易蒸發留低唔應該有的殘留物。容易越抹越污遭、越抹越花。

唔投資高品質的用品導致因小失大:

如果你覺得百幾蚊買幾條正廠高品質的超細纖維布太貴,而用贈品布、洗碗布、抹身毛巾黎代替,結果將會喺車漆損傷、修復一定過四位數。無水洗車的用品質量好重要,唔好因少失大。具體的工具和洗車液介紹在無水洗車 (Waterless Wash) 大剖析Part2

無水洗車可否代替傳統洗車?

就如以上所講,無水洗車只限處理中等至輕度的污跡,太污遭的車無水洗車并不適用。

另外一方面,無水洗車含有大量保護性的化學物,即使抹乾後依然有留在車漆表面,一般黎講會為車身提供一定時間的保護,但如果你洗車後要上蠟、做鍍膜等等,都要用傳統的洗車方法洗車、過水,因為無水洗車的殘留化學物會降低蠟和鍍膜的附著性。

如果你有地方拎水,咁一定要睇睇小U引進的雙泵動力洗車水泵:

【雙泵動力】 超強力雙模式洗車水機套裝 購買詳情連接

 

Waterless Wash 和 Rinseless Wash (免沖水洗車)的分別

根據AutoGeek大神Mike Phillips分類,Rinseless Wash 喺介乎無水洗車和傳統洗車之間的洗車法。Rinseless Wash 免沖水洗車和兩桶水洗車法(Two Bucket Method)一樣,需要用兩個大水桶打滿水,最大的差別喺傳統洗車液好多泡泡,Rinseless Wash 免沖水洗車液就沒有一丁泡抹完車無需過水,所以叫免沖水洗車。

小U私認為無水洗車比Rinseless Wash (免沖水洗車)更適合香港環境。香港車主好難應付免沖水洗車的:必須有水源打滿兩大桶水,而且一定要喺大桶,因為完全靠水桶過乾淨洗車手套/洗車布,必須加GritGuard隔沙網(水桶最少26cm直徑)。免沖水洗車既唔可以解決香港車主難搵水源的問題,需要的器材又貴(兩個大桶+GritGuard已經需要三五百蚊,未計超細纖維布、洗車液)。小U覺得Rinseless Wash是傳統兩桶水洗車法的改良版,但并不是解決香港洗車水源少的出路

 

具體的工具和洗車液牌子、詳細的施作工序方法介紹

如果大家有興趣做無水洗車,請LIKE和share本文,小U會響下一篇 無水洗車 (Waterless Wash) 大剖析Part2 和大家分享最經濟實惠的無水洗車工具、以及詳細的施工工序要點。

你的一個LIKE和SHARE比起到小U網販購物的金錢支持更加重要!一齊用最少的金錢享受最多的養車樂趣!更多愛車保養的原創文章供大家參考:

對了,小U的YouTube頻度也達到了30,000個觀看次數啦!大家覺得好的話就Subscribe支持一下吧!如果有任何意見或建議請隨時留言~

小U網販的車品專頁隨時歡迎你的光臨選購最高性價比、最好用的汽車用品:

小U網販的車品專頁

你鐘意DIY自己部車嗎?香港養車日誌最近本住dump錢落海的心態、試咗好幾款DIY鍍晶產品,搵到一款意料之外效果好的超性價比DIY鍍晶。我在自己部車度親測半年,並對比幾款不同產品的效果,有興趣請睇睇:

Related Articles

Leave a Comment