Home 香港買車養車TIPS 雪藏牌車手如何解凍做車主?新牌P牌也供參考的出車攻略

雪藏牌車手如何解凍做車主?新牌P牌也供參考的出車攻略

by Charles Wong

你或者身邊朋友是否有相似經歷:20歲左右就已經考到牌,但香港地養車貴,待有經濟基礎時候已經“生手”了幾年;如果將買樓排第一位,車牌被雪藏的年期可能更長。如何解凍雪藏車牌重新上手?第一部車應該如何入手如何揀?Upsangel 和你分享新鮮滾熱辣的親身經驗。

容易被忽略的第一步:排車位

經過理性分析、經濟考慮,你終於決定解凍出車。補鐘先定揀定車先?都唔係,第一樣要考慮的係:泊車位!如果你未瞭解爲什麼出車前搞掂車位咁重要,Discuss 有個帖十分值得一睇:

parking如果你會日日揸,日夜泊甚至泊街博沒人抄都可以捱住等車位。但如果你係假日車主,沒買斷或月租車位就很麻煩,而解凍中的朋友可能都有信心應付港九新界日夜路況,日日揸的機會甚少,所以一定係搵到月租泊位先。香港好多已發展區域月租車位爆滿(例如上帖提到的青衣北,正是小U所在區域),申請車位都要排隊,但好多停車場都要有牌簿先比你排隊。對於解凍牌主來說,如果沒車沒牌簿,可能連排隊機會都沒呢個根本係死循環:先買車沒車場煩死人,沒車申請唔到車場。所以申請“爛地”(非屋苑的私人露天停車場)可能係最佳選擇:沒車沒牌。而爛地的規程並沒咁嚴謹,車牌後補都得。所以我當初決定解凍買車,就開始排爛地。

TIPS: 如果你有親友死黨有車可以借你牌簿,不妨打探一下就近的停車場的月租政策是否允許非業主車輛申請,如果允許,以後轉車牌手續是否反覆,如果順利就可以沒車牌都排住隊等。

TIPS 2:“爛地”地點比較“隱蔽”,一般顯示停車場的手機APP都沒包含。要在當區多加發掘。

第二步:先補鐘,再睇車

補鐘就係比錢教車師傅當你學神咁教,係解凍最佳的方法。Upsangel當時就係補了3次鐘(每次90分鐘)先正式揸翻車。補鐘師傅可以短時間發現你的弱點,師傅車有副座BRAKE,比起搵朋友帶下操車,效率和人車安全性都高不少(“雪藏P牌”可能係全港最危險的車牌)。補鐘下面一D細節可以留意:

  • 補鐘就揀自己以後想揸的車種(有尾/無尾)
  • 連鎖駕駛學校未必貴過私人(朋友介紹的私人師傅開我300一節,而某駕駛學校收我240一節)
  • 補鐘時段要選有日有夜(當時第一次揸翻夜車上幹線,仲要係車多繁忙時段,真係緊張過考牌,係好好的經驗)

Driving-test-jpg_173810[1]補鐘需要的時間因人而異,以自己有信心爲標準。開始補鐘也是靠自己拿捏,若提早太多開始可能花太多金錢保持手感,若太遲開始又有機會影響到之後選擇揀車。因揀車重要一步係試車,如果未補夠信心就去試車,一來沒辦法評判好壞,更壞的是碰撞到試駕車輛就煩死人。

TIPS:試車某個程度上也是操車的一種。。。如果你將大路牌子的車都TEST DRIVE一次,相信車感會提升不少。

永恆的話題:新車定二手?

知道車場差唔多排到自己,就一路補鐘,一路睇車。新P牌、雪藏牌應該買新車定二手車?各有各好,論壇也有很多討論帖子(例如:買車煩惱,同樣價錢,二手定全新?)。

index

新好定舊好?有時真係唔可以一句講曬。

小U就分享下自己的經歷感受:一開始睇車28網真係好多選擇,由於想揀十萬出頭的兩三年車,初步就鎖定Polo,Swift,Note (唔考慮JAZZ因爲補鐘揸過但沒特別好感)。選擇雖多但真正埋牙先發覺私人二手車買賣沒咁順利:車主難就時間地點,有的幾日唔覆,驗車更加考起曬我呢個沒經驗買家。碰巧當時在書局睇到AUTOMOMO的站長寫的書(書名唔記得),分享了其買第一部車的經驗,當時其買了二手,點知維修野多到距頭暈。我心諗,人地一介汽車名人當年都被二手車搞到一頭煙,我咪死得?於是轉投睇番新車。

十萬出頭新車真係沒咩選擇,JAZZ齋版都要$166,880、NOTE $169,800 太貴,因而睇番沒咁出名的細厰:SUZUKI SWIFT要等一個月先有新車試,無緣。KIA MORNING 2015 FACELIFT 加埋代理引入PREMIUM天窗版,售價維持129,000覺得十分抵玩,上網做 research 再去SHOWROOM睇車約試車就BOK錘落訂。TIPS:睇新車一定要約試車,如果SHOWROOM唔係響你樓下,最好第一次去就係試車,齋睇個外觀內籠上網睇都得。

小U唔係話出新車一定比二手好,更加唔係爲KIA賣廣告(另開文章再和大家分享MORNING呢款車,唔係人人受落)如果你有相熟朋友帶住或轉讓(當然不能是唔熟唔食果種損友),筍野二手車真係慳翻筆。各人情況唔同,適合自己的就係最好的。

Upsangel覺得有兩點還是值得大家思考:

  1. 買平價二手車是否就等於唔需要小心駕駛?撞到人地一樣要賠,撞花自己一樣要整(除非你忍受到揸住部凹車,反正我係忍受唔到)
  2. 二手車多維修可以學到野?如果你部手機成日壞,你就會識整手機?學識整手機的方法就係買部成日壞的二手手機?

最後總結一下小U本人解凍出車所需時間:等車位(1.5個月),補鐘(一個月,因爲學車人多,報名等師傅時間都要2個星期,如果平日早上可學相信無需等這麽耐),車行出車(落訂起3星期,係有現貨的時間,包括分配車輛、出牌、出廠檢查)。

祝大家順利出車,出入安全!

更多養車實用文章供參考:

你鐘意DIY自己部車嗎?香港養車日誌最近本住dump錢落海的心態、試咗好幾款DIY鍍晶產品,搵到一款意料之外效果好的超性價比DIY鍍晶。我在自己部車度親測半年,並對比幾款不同產品的效果,有興趣請睇睇:

Related Articles

Leave a Comment